O fraoñval emañ c’hoazh presbital kozh Landelo gant an unnek den en em gave e-barzh staj c’hoariva forum Paritito, kenaozet gant C’hoariva e-pad an dibenn-sizhun paseet.
Daou zevezh plijus evit dizoloeiñ teknikoù teatr ar re wasket dre un tem enklask war ar yezh.
Labouret hon eus gant hon istorioù – dastumet er vuhez gwir – evit respont dar goulenn-mañ: petra eo diaesterioù gwir ar vrezhonegerien hiriv an deiz?
Daoust hag omp lip da implij ar yezh a faot deomp e pep lec’h? Betek peseurt poent? Daoust e chench yezh-mañ-yezh hon darempredoù sokial e keñver ar re all? Penaos? Peseurt mod darempredoù etre ar re a oar hag ar re ne oar ket, pa a oar nebeutoc’h? Penaos deskiñ ar yezh pa ne fell ket d’ar re all kaojeal ganeomp? Ha perak e rafent? Penaos lavarout pezh a vez start d’an den hep mougañ ar re e vez disheñvel o wirionezioù? Penaos plantañ ur yezh dibabet barzh hon buhez en un doare naturel? E peseurt yezh(où) devesel ar vugale? Ha petra gant re an amezeien?
Peadra da vouetañ hon c’hoant da vont pelloc’h gant an danvez…
Boued lipous, massajoù ha yoga: ne oa ket bet disonjet ar c’orf kennebeut all. Mersi da Emmanuelle Eon ha da c’hoariva evit o souten !